قصة شيقة لزواج تقليدي الجزء الاول

قصة شيقة لزواج تقليدي الجزء الاول 




#جزء_1
زواج لي عمرني فكرت فيه ولا حتى داز من عقلي كنت عايش مزيان ضاحك ناشط كل نهار مسافر لشي قنت باش نبدل جو ديال خدمة بحكم اني خدام محاسب حتى بلاني الله ب موصيبة كحلا معرفت منين تسلطات عليا . نعرفكم براسي هو لول سميتي حسام انا بوحدي لي عند واليدا(مي صفية) خويا او با ماتو ف حادث قبل مانتزاد او مي لي مكبراني بوحدها او تعدبات على قبلي علاقتنا مرتبطة كتر من قياس عايشين هبال انا وياها بحال الى ماشي مي دايرها كولشي فحياتي او حتى هي مامقصراش معايا عمري 31 سنة محاسب هوايتي هي سفر او نعيش حياة نعاود ليكوم قصتي و لكن متضحكوش عليا ههه  كيف ديما كنفيق مع 6 كندير سپور او نرجع ندوش باش نفطر او نمشي لخدمتي خاصني ديما نكون مع 8 ف خدمة بلا تعطال او نرجع تاني مع لغدا تال دار باش نتغدا بزز مني واليدا متخلينيش ناكل ماكلا زنقة الله اسمحليا منها او صافي ديما معدبا معايا او نرجع تاني مع 3 لخدمة او كنكمل مع 7 او نرجع دار ناكل مع واليدا كسكروط او نخرج شويا نتسارا مع صحابي اولا معاها نيت واحد نهار كيف ديما مع روتين مورا لغدا بضبط لاحظت بلي واليدا ولات صفرا او كنسولها واليدا ياكما مريضة و لكن والو ديما نفس جملة مابيا والو أولدي و لكن انا حاس بها مريضة بزاف عاونتها باش تحط ماعن حتى سخفات قدامي معرفت مندير تصدمت او ملقيت غير تيليفون حدايا صونيت لصاحبي معاد(عمرو 30 سنة محاسب يتيم أبوين شخصيتو هادئة او ضريف كيدخل لخاطر ) باش اجيب طونوبيلتو دغيا ندي واليدا لسبيطار هزيتها على ظهري او مشينا لسبيطار او لقينا عندها فقر دم صعيب أو وصلات بها مرحلة خطيرة بقا فيا الحال بزاف حتى من دم بزز باش لقيتو لي اتبرع ليه . اوا داز داك نهار مكفس و لكن كنحاول ما أمكن منبينش ليها باش متزيدش تعدب راسها او بقيت مونسها حتى وصل وقت باش تخرج رجعنا لدار او بقيت معاها صيفط لباطرون طلبت منو شي يوماين ديال كونجي بينما لقيت لي قابل واليدا . و لكن باش كتعجبني واليدا واخا تكون فراش موت الله احفظ كلمة زواج مكتفارقش على فمها .
مي صفية: ولدي واش مزال مغاديش تزوج باش نشوف وليداتك قبل ما نلحق على باك الله ارحمو
حسام : الله يهديك ا واليدا واش هادي وقت هاد لهدرة رتاحي شويا راه يالاه خرجتي من سبيطار مزال حتى ما سخنتي عظامك
مي صفية: والو راه منتهنى حتا نزوجك او الى مبيتيش تجيبها لراسك انا نجيبها ليك
حسام : ان شاء الله اكون خير يالاه رتاحي انا نمشي نجيب ليك دوا . وابقاي فبلاصتك تاني متحركي
مي صفية : واخا سير الله اعاونك أولدي
مشا حسام اجيب دوا او ستغلات هي فرصة صونات بنت خوها باش تجي عندها لمدينة تبقا معاها او كانت ديما كتمنى تكون هي مرت ولدها . رجع حسام جاب دوا او مشا صاوب لعشا او تعشاو ف جو مليئ بالضحك باش انسي واليدا ديالو فمرضها .
مي صفية: ولدي راه غدا فصباح ان شاء الله مع لفجر غادي تجي بنت خويا من عروبية عفاك الى ماسير شوفها او وصلها لدار حيت راه عمرها جات مدينة او بزز باش خلاها خويا تجي عندي باش تقابلني او منها نيت تمشي نتا تقابل شغالك او توجد لزمانك
حسام : اوا حتى نتي اوليدا ديما كتخسريها ف لخر راه قلت ليك زواج مداخلش ليا راسي غير حيديه من بالك
مي صفية: ماشي شغلك انا بغيت نشوف حفايدي قدامي
حسام : تصبحي على خير اوليدا مافيا لي اتناقش تاني نفس موضوع
مي صفية: اجي فين غادي عرفتي بعدا كيف دايرا بنت خويا ولا حتى اشنو سميتها غير كتنقز بلا فايدا
حسام : او منين غادي نعرفها انا
مي صفية : سير هز داك كتاب ديال تصاور ف تحت بيجاما صفرا باش نوريك تصويرتها
حسام :(مشا جاب ليها كتالوج ) هاهو يالالة
مي صفية:شد هاهي تصويرتها عنداك لاتجليها
حسام : وايلي حتى نتي هادشي بيض او كحل كفاش غادي نعرف ملامحها او لون بشرتها وا خدمة هادي درتي ليا
مي صفية : ماشي شغلي قلب عليها حتى تلقاها موشكيلا حتى تيليفون معندهاش المهم تال غدا او احن الله اوا عنداك لاتنساها
حسام : ايه واخا
صبح صباح فاق حسام بكري كيف ديما دار سپور او مشا محطة اشوف بنت خالو فين كاينا و لكن ملقاهاش او فكر ف حيلة وحدا اهز كرطونا او اكتب فيها سميتها (أسماء صالحي ) او هزها بقا كيدور بيها او اعيط
حسام : أسماء صالحي عفاكوم شكون لي سميتها أسماء صالحي . اووف على اخر ايامي ندور ف محطة او نعيط بحال مالين كورسا
أسماء : (سمعات سميتها و لكن بان ليها لي كيعيط ليها عطاها بظهر قصداتو او قاستو على كتفو ) سلام
حسام :(تخلع شد اديها ضورها حتى قرب اهرسها ) شكون نتا
أسماء :(ضرباتو على رجليه ) وانتا حيد بسم الله عليك
حسام :(كيغوت) واش هبلتي اش هاد لعب كتدير اسي
أسماء :(حيدات لثام على وجها او قبية على راسها ) أنا هي أسماء
حسام :(بقا غير كيضحك عليها) هههههههه واش نتي بنت اصحابلي شي شفار مالك على حالتك اودي
أسماء : ماشي شغلك اصلا كون مدرت هكا گاع منوصل بيخير لهنا . راني سمعت بلي مدينة فيها كترت شفارة هادشي علاش تنكرت بحوايج با لايديني شي حد
حسام : ههههه على زينك باش اديوك المهم يالاه زيدي زيدي راه معطلين واليدا كتسنا . اه متشرفين بعدا انا حسام ولد عمتك
أسماء : متشرفين و لكن حيد اديك موسخين
حسام : متخافيش هداك غير فاخر كتبت بها سميتك زعما باش نلقاك ساعة نتي لي لقيتيني هههههه
أسماء : اصلا كون مغوتيش گاع منعرفك حيت أنا مقارياش حدي قريت ف مسيد
كملو نقاشهوم لي اغلبو غير مدابزا من نهار لول. وصلو لدار او رحبات بيها عمتها بأحسن ترحيب حتى من حسام ولا مستغرب گاع مكتعاملو مو هكاك منين كيكون راجع من شي سفر
مي صفية : مرحبا والف مرحبا بنت خويا على سلامتك
أسماء : الله يعطيك لخير اعمتي نتي بعدا رحبتي بيا اما هاد مخلوق لي ولدتي والو نهار لول دابز معايا
حسام : ياك علاش مقلتيش ليها بلي جايا هاجما عليا بحال شفارة او من فوق لابسا حوايج رجال
مي صفية : حسام كون تحشم. بنت يالاه جات بديتي ف نگير سير جيب فطور نفطرو
أسماء : شد عليا هاد قفة راه فيها شي بركة ديال بلاد
حسام : ممم زعما ماجيتش بيدي خاويين
مي صفية: حسام (بعصبية ) باراكا من صداع سير صاوب فطور
حسام :هاهوا غادي
أسماء : اوا اعمتي كي بقيتي شويا ولا وجهك مخطوف
مي صفية : اوا ابنتي اش ندير راه وليت كنشرف او حتى من داك زغبي مابغا اهنيني منو
أسماء : اودي شكون غادي اقبل ليك على صداعو خليه هكاك نيت
مي صفية : نتي نيت الى بغيتي هههه
أسماء : كفاش لا لا حجارو اشدوه اش بيتو يا ختي ماخاطيني صداع وا شفتي مزال حتا ما حطيت رجلي على دار كيغوت او عاطيها غير نگير طريق كامل كبحال الى واكل كاسيط او بغيتينا نتجمعو واقيلا بغيتي افكونا جيران اما حتا نتي موحال تقدي علينا
مي صفية: الله يهديك ابنتي اه كلكم فيكوم كترت لهدرة نقصي شويا راه هكا لي كتديري موحال گاع تزوجي
حسام :(دخل جاب معاه فطور ) سمعت سميتي واقيلا
أسماء :(كنهدر بشوية فخاطرها ) هاهي عافية جات تاني
حسام :شفتك ابنت خالي نهار لول كتهدري مع راسك ياك لباس
مي صفية : حسام حط داك فطور او غبر عليا ياكما شفتيني محطوطة ف فراش اصحابليك منوضش ليك نسخن ليك دوك عضيمات
أسماء :(كتضحك )
حسام : حشومة عليك ا الواليدا واش بيتي تشفاي فيا لعديان
أسماء : بزاف عليك انا . شوف الله ارحم باك معجبكش الحال باب واسع من كتافك
مي صفية :(بعصبية) وااااااك وااااك وا سكتونا نتي تهضري ف جهة هو ف جهة واقيلا نسيتو بلي انا مريضة . سمعوني مزيان يا تحتارموني يا معجبكوم حال مزيان تبارك الله
حسام :صافي الواليدا هاني خارج خليتكوم على خير
خرج حسام مشا خدمتو ديريكت اما أسماء او عمتها گلسو كيهدرو او اضحكو اتفكرو ايام صغرها او شحال كانت ضاصرا حتى وصلات لعشية رجع حسام من خدمتو لقا بيتو عامر او مع دخل بدا كيغوت
حسام : شكون دخل لبيتي
أسماء :( خرجات من تحت ناموسية ) أنا . اشنو حب لخاطر اسيدي
حسام : اش كديري تماك او اش دخلك لبيتي
أسماء : بسم الله عليك كان بيتك دابا ولا ديالي يالاه خرج خليني نقي غبرة ديالك شحال أو نتا غملتي هنايا
حسام : واليدا . واليدا اشنو هادشي
مي صفية : اش كاين ياك لباس اودي جيتي بصداعك
حسام : خرجي هاد بنت خوك من بيتي
مي صفية: غير خليها تماك مجاتش تنعس هي ف صالون عافاك أولدي كون تسمع هدرتي
حسام : او حوايجي او كتوبا ديالي . ولا هادشي ماشي خدمة او الله
مي صفية : هانتا شوف سير نقي داك بيت لي ف سطاح او قادهوم فيه صافي
حسام : او الله الى عيقتو من نهار جيتي ماشفت خير ف هاد دار
أسماء : مزيان يالاه خرج او هز عليا شطايطك
حسام : مغاديش تبقا فيك غير بلاتي
جمع حسام حوايجو داهوم لسطاح او بدا كيفكر شي حل لموصيبة ليفيه . فالوقت نفسو الام كتفكر كفاش تلاقيهوم بجوج او اكونو متفاهمين . اما أسماء قادات لبيت بديكور لي بغات او ستفات حوايجها او مشات تصاوب لعشا . .
حسام : بصحتك الواليدا عشا جا لديد
مي صفية : ماشي انا لي صاوبتو قولها لبنت خالك الله ايعطيها صحة هناتني من شقا
أسماء : ايه انا لي صاوبتو شكرا على تشجيعك
حسام : مزيان بعدا كتقادي شي حاجة ف حياتك
كملو عشاهوم او كل واحد مشا انعس . صبح صباح كيف ديما مشا حسام لخدمتو اما أسماء صاوبات لغدا او بقات مع عمتها كل شويا طل عليها ياكما خاصها شي حاجة .
[نمشيو عند حسام ف لخدمة ]
حسام : نااري اصاحبي كون تشوف موصيبة لي تسلطات عليا طلب لعفو
معاد : اوا معندك غير تصبر يالاه سربي كمل داك ملف راه نهار او مطال گالس مزال حتا مكملتيه
حسام : علاه ديك جنية خلات ليا شي عقل
معاد : هي بدا كيتحرك فيك شي حاجة من جيتها
حسام : واش كتفلا عليا هاديك گاع ميتسوق ليها حتى هبيل لي ماشي بعقلو . كلها تقليدية او باقي فيها ريحة عروبية
معاد : حشومة عليك زعما سيدة جات تقابل واليدا ديالك او نتا كتهدر موراها
حسام : باراكا تاني من دروس الحياة ديالك زيد نكملو هاد روينة راه باطرون غادي اتنيرڤا تاني
معاد : ماشفتيش واحد جوا راه جابتو سوكريتيرا ديك ساعة
حسام : اه شفتو و لكن مزال مطليتش عليه . فكرتيني نيت فيه نشوفو .(طل على جوا او فرح ) لا ميمكنش و اخيرا اصاحبي تقبل قرض لي طلبت و اخيرا غانشري حديدة
معاد : واه اوا مبروك عليك اوا يالاه هز قشاوشك او يالاه ندوزو لماگازا تخرجها
حسام : داكشي لي كاين
كمل خدمتو او مشا مگازا هو معاد او وقع وراق ديال طونوبيل او رجع كيف ديما او جاب معاه خبار كتفرح لواليدا ديالو .
حسام : وا الوليدة
مي صفية : نعام اش كاين تاني بسم الله عليك لاش كتغوت
حسام : اجي معايا جبت ليك واحد مفاجأة واعرة
مي صفية : (خرجات معاه حدا لباب لقات طونوبيل او زغرتات) يا فرحي او يا سعدي وليدي شرا حديدة
حسام : شفتي هاني درت خاطرك كيف جاتك
مي صفية : زوينة اوا هاهيا خدمة كاينا او دار او طونوبيل خاصاك غير لمرا
حسام :وايلي بدينا تاني زيدي زيدي ندورك واحد ضويرة ف بحر
مي صفية : واخا بلاتي نمشي نلبس جلابتي او نعيط أسماء حشومة تبقا بوحدها ف دار
حسام : ضروري خاص لي اخسر لينا نهارنا
مشاو دارو مجموعين او ستمتعو بالوقت او رجعو قبل مايطيح عليهوم ظلام دوزو ليلة كلها ضحك مع شويا مدابزا كيف ديما هو او اسماء

تعليقات

المشاركات الشائعة من هذه المدونة

جروبات واتساب للتعارف : إليك افضل تطبيق للدخول الى العديد من مجموعات الوتساب

مجموعة واتساب بنات محترمات للتعارف والزواج 2020